ရွှေစုန်းချောင်းဆရာတော်အရှင်ဝိစိတ္တာလင်္ကာရ

ရွှေစုန်းချောင်းဆရာတော်အရှင်ဝိစိတ္တာလင်္ကာရ
(အောင်    မှူးေ         ဝ                        )
( 1 9  8  4-                                           )

ယု

ပြန်မတွေ့နိုင်တော့တဲ့နာမည်တစ်ခုမှာ
ဘဝကိုတင်ဆောင်ပေးလိုက်မိတာပဲ
ခင်ဗျားခံစားတတ်ရဲ့လားကဗျာဆရာ
အချစ်ဆိုတာမြညိုချစ်တဲ့ကိုရင်သြဗျ
ပြေးလှချေလားကိုရင်သြရယ်
သမုဒ္ဒရာတစ်ကြောမှာအရုပ်ပမာမျောရ
အဲဒီလို ယုနဲ့ကျွန်တော်
ချစ်ကြ။
အခုကျွန်တော်က
ခွေးတွေကိုဝမ်းချူပေးတဲ့အလုပ်လုပ်တယ်
နေပြည်တော်မှာ။
စားဝတ်နေရေးအခက်ခဲကတော့ဗျာ
သူလိုကိုယ်လိုပါပဲ
အများနည်းတူပါပဲ။
အိပ်မက်တွေကတော့ ယုနဲ့ထပ်တူ
ဗိုလ်အောင်ဒင်ပြန်လာပြီပေါ့ဗျာ။
ဒါပဲ ကဗျာဆရာ
ကဗျာဆရာရေဒါပဲ
ဒီမိုကရေစီခေတ်မှာ
ကျွန်တော်လိုလူမျိုးလည်းလိုအပ်တယ်မဟုတ်လား။
ကြယ်တွေက
ကန်ရေပြင်မှာလှုပ်နေတုန်း။

အောင်မှူးဝေ

ဒွိဟညနေစာ

ငယ်ငယ်ကနေဒီနေ့အထိ
ရှည်လျားစွာကွဲကွာခဲ့ရသောမိတ်ဆွေများခင်ဗျာ
ကျွန်တော်တို့တွေ့ဆုံရခြင်းမှာ
မမြဲမှုတွေသာ တည်ခင်းဧည့်ခံနိုင်ခဲ့ကြောင်း
ငြိမ်နေပြီထင်တိုင်းလှုပ်လှုပ်လာတဲ့အခြေအနေတွေသာ
တို့ထိခံစားနိုင်စရာရှိကြောင်း
အဝေးပြေးအိပ်မက် အစီရင်ခံစာမှာ
တင်ပြခဲ့ပြီးဖြစ်ပါတယ်။
ကျွန်တော်တို့အတွေးအခေါ်တွေက
ကျွန်တော်တို့ဘဝကိုပြဋ္ဌာန်းနေတာလား
စစ်မြေပြင်မှာ
ကိုယ့်ကျည်ဆံနဲ့ကိုယ်
ကိုယ့်ရင်ညွန့်ကိုပြန်ပစ်ဖို့လေ့ကျင့်နေသူလို
ကျွန်တော်တို့ရဲ့မပြီးဆုံးသေးတဲ့
လိုအပ်မှုတွေကိုရှာဖွေနေကြတာများလား
မာလာလာလေးရော
နောက်တစ်ကြိမ်သေနတ်နဲ့အပစ်ခံရဦးမှာလား
အိုစမာဘင်လာဒင်
နေပြည်တော်မှာလူဝင်စားဖြစ်ဦးမှာလား
နောက်ထပ်သမ္မတသက်တမ်းကို
ဦးသိန်းစိန်ပဲဆက်ရဦးမှာလား
ဒေါ်အောင်ဆန်းစုကြည်ရော
ဘယ်နေရာကပါဝင်မှာပါလဲ
ခြေထောက်ကျိုးနေတဲ့ဆိုက္ကားသမားလေးရော
ဘယ်သူ့ခြေထောက်ငှားပြီးဆိုက္ကားဆက်နင်းမှာပါလဲ
နောက်ထပ်သမ္မတတစ်ယောက်ရဲ့သက်တမ်းမှာ
ကျွန်တော်တို့က ဘာတွေလဲ
သမ္မတကြီးပြောတဲ့ မိဘပြည်သူများထဲက
မိဘပြည်သူတစ်ယောက်ပဲဖြစ်မှာလား
ကျွန်တော်တို့
အဲဒီနေ့အထိ အသက်ရှင်နိုင်ပါ့မလား
ညနေစာတွေစားပြီးရင်
ခေါင်းဆက်စားကြပါစို့ခင်ဗျား။ ။

အောင်မှူးဝေ
ခေတ္တမြန်မာပြည်
အိမ်မှာဆန်စားစရာမရှိတဲ့နေ့ကရေးတယ်။

နန်းခင်ဇေယျာ