ညု

ကော်ဖီတစ်ခွက်စာဖွဲ့ဖွဲ့ကလေးသင်းနေတဲ့နှုတ်ခမ်း
ခန်းစီးစပေါ်မှာ လမ်းသလားနေတဲ့ လရောင်
မှောင်ဖို့ရာ အစပြုနေတဲ့ စိတ်များ
ကြွက်သားတွေ လှုပ်လှုပ်လာတာ ဘာအတွက်လဲ
ခုတင်တိုင် ကိုင်ပြီး တရားနဲ့မဖြေသာတဲ့
ခန္ဓာဗေဒကလေးရေ......
လေဝှေ့ရင်လွင့်သွားတော့မယ့် နာရေးကြော်ငြာကို
ငါ့နာမည်နဲ့ ဖိမထားလိုက်ပါနဲ့။

မာတင်ဘောမန်းကို
မော့ဆက်တွေလိုက်ရှာနေသလို
မင်းအချစ်တွေကိုငါလိုက်ရှာနေတယ် ချိုချိုသဲ
စိတ်ငြိမ်သွားအောင် ဓာတ်ပြားဖွင့်ရမယ်
မြကန်ပေါင်ရိုးပေါ်မှကွယ်....မပန်းမှုန်အလှ...
ရှုမဝနိုင်ရှာပုံ...။ ။

အောင်မှူးဝေ
၁၇.၁၀.၂၀၁၂

မှည့်ချိန်

အန္တရာယ်အနံ့ခံရင်းနဲ့
သီချင်းကရင့်မှည့်လာပါတယ်
အခု ချကျွေးထားတဲ့ဘုရင်မကို ကုန်အောင်စား
စစ်တုရင်တစ်ဖွဲ့လုံးအသုံးမကျဘူး
တိုင်းရေးပြည်ရာက ဆူးတွေအချွန်သားပေါ့ကွာ။
မြှုံးထဲကခုန်ထွက်လာမယ့်အိပ်မက်ဟာ
ဆန်ခါတင်လွတ်လပ်မှုကိုသယ်ဆောင်လာလိမ့်မယ်
ဒီစိတ်နဲ့ငါတို့တစ်တွေ ဖူးပွင့်ကြွေလွင့်ခဲ့ပဲ

သူများအမည်ပေါက်ပဋိသန္ဓေနဲ့မိန်းမတစ်ယောက်ဆီက
မင်းရခဲ့တဲ့ကတိလိုမျိုး ငါတို့ရနေတဲ့ကတိတွေ
တောင်ကတုံးပေါ်ကလိမ့်ကျလာတဲ့သစ်တောများလို
ကိုင်ကြည့်တာနဲ့ ကျိုးကြေပြီးသားတွေ။
ဆိုင်နေရာပျောက်နေတဲ့ပန်းချီဆရာတစ်ယောက်လို
လက်ခံထားတဲ့ပုံတူတွေအပြည့်နဲ့နိုင်ငံမှာ
ငါတို့အရောင်တွေ ငြိမ်းချမ်းသင့်ပါပြီ။ ။

အောင်မှူးဝေ

ကာလများ/ကာလနာများ

ကဗျာရေးတယ်ကော်ဖီသောက်တယ်
နိုင်ငံ့ဘဏ္ဍာခိုးမစားဘူး သူများမိန်းမကြာမခိုဘူး
သမ္မတလုပ်ဖို့အစီစဉ်မရှိဘူး လွှတ်တော်ဥက္ကဋ္ဌလို
တောင်ဝှေးအရှည်ကြီးမဆောင်ဘူး။
ငါ့သူငယ်ချင်း တဇောင်းနီလို ပါရဂူတန်းတက်ခွင့်မလည်းမရခဲ့ပါဘူး။
အန်တီစုရဲ့ပဲတွေကြောင့် နိုင်ငံနဲ့အဝှမ်းသာယာပါစေသား
ငါဆုမတောင်းခဲ့ပါဘူး
လားကလီးတွေကိုမုန်းပေမယ့်

ပါကစ္စတန်က မာလာလာလေးကိုတော့ငါချစ်တယ်
တာလီဘန်တွေရဲ့ကျည်ဆံသူမခေါင်းထဲရောက်လာခဲ့တာဟာ
အလ္လာရဲ့ အမိန့်တော်ကြောင့်လား
တာလီဘန်တွေရဲ့စည်းမျဉ်းကအမျိုးသမီးတွေကိုမသတ်ရဘူးဆို
ဘယ်လိုဖြစ်ရတာလဲ ကာလတွေ ခါးသက်လို့မဆုံးတော့ဘူး
အလီဂျင်းနားကို ငါသတ်ချင်နေတာ မှားလား
အိန္ဒယမြေပုံကို အလယ်ကနေခွဲပြီး
ပါကစ္စတန်ကိုမွေးဖွားခဲ့တာပဲ
ကက်ခ်ျမီးယားဟာမီးမသေသေးတဲ့ စစ်သုံးမီးဖိုလေး။
ပါကစ္စတန်က မိန်းကလေးတွေကိုပညာသင်ခွင့်ပေးကြပါ
ပညာသင်ခွင့်ရချင်သူကို
သေနတ်နဲ့မပစ်ကြပါနဲ့
ကိုရမ်ကျမ်းတွေငါတို့ကိုမလှူနဲ့
မင်းတို့ကိုရမ်အတိုင်းမင်းတို့အရင်ကျင့်ကြဦး။
မာလာလာလေးက ဆရာဝန်ဖြစ်ချင်ခဲ့တာပါ
ဖအေကနိုင်ငံရေးသမားဖြစ်စေချင်လို့ နားထောင်ခဲ့ပါတယ်တဲ့
ကဲ ကိုယ့်လူသမီးရှင်တို့...
လာထား....နိုင်ငံတော်ကသင့်သမီးတွေကိုအလိုရှိနေတယ်။
သွေးမရှိပါဘူး စကင်နီလေးဝတ်ပြီးလင်ထောင်ကြဖို့ပဲ တတ်ကြတဲ့သမီးတွေ
ဒီလိုနဲ့
ကာလတွေဟာနာကျင်ခဲ့တာပေါ့ကွာ
အန်တီစုကခြောက်ဆယ်ကျော်ပြီလေ
မြောက်နယ်ကိုမကျော်တော့ပါဘူး
မြေအုတ်တို့ပြိုသောအခါ....လမ်းရွေးမှားသူမြစ်တွေ
ကောကြစို့။
အစားထိုးရမယ်လို့ငါတို့စဉ်စားထားကြရုံ။
ငါပြောတဲ့စကားအရ
ငါ့စကားနွားရပြောတာပါ
ငါ
မင်းတို့အားလုံးကိုရခဲ့တယ်။ ။
အောင်မှူးဝေ

အညာလက်ဖက်ရည်ဆိုင်

by Min Di Min on Saturday, October 20, 2012 at 7:37pm ·

ဘာမှာမလဲအစ်ကိုတဲ့
ချာတိတ်ငယ်ငယ်က အ၀တ်စုတ်နဲ့ စားပွဲကို သုတ်ရင်းမေးတယ်
ပုံမှန်နှစ်ခွက် ၊ အကြမ်းခွက်ချပေးဦး ...
မန္တလေးရဲ့ ဆောင်းနေက ပျပျ ပူနေတယ်
ထနောင်းရွက်ကြွေတစ်ချို့နဲ့ ရောချပြီးသောက်ရတာကိုက
အညာဆန်တဲ့ လက်ဖက်ရည်ပဲ ....
ယင်ကောင်တစ်ချို့က ၀ဲတစ်လှည့် နားတစ်ခါ
လက်ကို အခါခါယမ်းပြီး အကြမ်းတစ်ကျိုက် ကျိုက်ချတယ်

အားကစားလား၊ သတင်းလား၊ မော်နီတာ၊ မက်ဆင်ဂျာ၊ ဗွိုက် ထွက်တယ်
ဘာဖတ်မလဲ ...
တစ်စောင်ဝယ်လိုက်တာနဲ့ သုံးလေးစောင်အလကားဖတ်ရတဲ့
လက်ပွေ့သမားရဲ့ဝန်ဆောင်မှု
သူရော ကိုယ်ပါအဆင်ပြေ ..
သတင်း ဆာလောင်မှုကို ကျေနပ်စေနိုင်တဲ့
အညာရဲ့ လက်ဖက်ရည်ဆိုင်ပေါ့

Wi-Fi Free ၊ ဆိုင်ကယ်သူခိုး သတိပြုပါ၊ ဇတ်သော့ခတ်ပါ၊ တစ်စေ့တစောင်းအကဲခပ်ပါ
နံနက်တိုင်း စမူဆာသုပ်ရနိုင်ပြီ၊ ယနေ့ည မန်ယူ-စတုတ် ...
အဲသလို ၀န်ဆောင်မှုတွေနဲ့ အညာလက်ဖက်ရည်ဆိုင်
ထန်းလက်မိုးဝိုင်းတစ်ချို့၊ ဖိုက်ဘာခုံတစ်ချို့နဲ့ LCD Screen
မြို့ပြနဲ့ ကျေးလက်အရောအနှောက စိတ်ပသာဒမှာ စိမ်းစိုတယ်

လူကြီးမင်းများဟာ  အိပ်ကပ်ထဲက သတ္တုပြားကိုထုတ်
မှန်ပေါ်မှာ ဟိုကုပ်သည်ချစ်နဲ့
ခေတ်အဆောင်အယောင်မှာ သာယာတယ်
လက်ဝါးသာသာ မှန်ပြင်လေးကို အခြေပြု
အိုဗားမား မဲဆွယ်ပွဲကနေ အောင်ပင်လယ်ရေကြီးသည်အထိ
လက်ဖက်ရည်ဝိုင်းမှာ လေကြီးမိကြတယ်
နိုင်ငံက ဘယ်လိုဆင်းရဲတယ်ဆိုဆို
အားလုံးမှာ အပူအပင်မရှိ လန်းလန်းဆန်းဆန်း ပေါ့ပေါ့ပါးပါး
တဟားဟားနဲ့ ရယ်လားရယ်ရဲ့ ၊ တသောသောနဲ့ပြောလားပြောရဲ့
အညာလက်ဖက်ရည်ဆိုင်မှာ နာရီပေါင်းများစွာ အားကြတယ်

ကျားတစ်ချို့ ၊ မတစ်ချို့၊ ကျားမရောရာတစ်ချို့
သူ့ဝိုင်းကိုယ့်ဝိုင်း စီးမိရင် စီးမိသလို လေသံပိုပိုကျယ်စမြဲ
ခေတ်ကိုဝဲကြည့်နေတဲ့ဟန်နဲ့ Zero Quarter ဘောင်းဘီကိုဝတ်လို့
လုံမငယ်တစ်ချို့ လက်ဖက်ရည်ဆိုင်ထဲမှာ အ၀ံ့ရဲကြတယ်
ဗိုကေ ဆံတောက်လို နာမည်တပ်မရတဲ့ဟန်တွေနဲ့
ရိုးရာယဉ်ကျေးမှုကို  ဘောင်းဘီချုပ်ဝတ်ထားတဲ့လူငယ်တစ်ချို့
လက်ဖက်ရည်ဆိုင်ထဲမှာ
အဝေးသင်တက္ကသိုလ်တက်ကြတယ် ... ။

ဝေသန္တရာဇာတ်ကို ဘယ်လိုပဲဖတ်ဖတ်
ပါရမီတော်ခန်းပျို့မှာ ဘယ်လိုပဲဆိုဆို
လက်ဖက်ရည်ဆိုင်မှာတော့ အလှူဒါနဟာ
စိတ်အနှောက်အယှက်ဖြစ်စရာတစ်ခုလိုပဲ
သားလေးရယ်၊ အစ်ကိုကြီးရယ် ငါ့မြေးရယ် ဆိုပြီး
မုန့်ဖိုး၊ ဆေးဖိုး၊ ခရီးစရိတ်ဖိုး .... အမျိုးမျိုးတောင်းမယ်
သာဓု သာဓု ကျန်းမာပါစေ
ကန်တော့ပါသေးရဲ့ ...
မရှိဘူး သွား ....
ကြားကြားရသမျှ အသံတွေမှာ
ငါတို့ရဲ့ စိတ်အနက်တွေလည်းထင်ဟပ်လို့
ခေတ်ကြေးမုံပြင်ဟာ လက်ဖက်ရည်ဆိုင်မှာ ကြည်လင်ပြတ်သားတယ် ...

အညာလက်ဖက်ရည်ဆိုင်မှာ
ပက်စီကိုလာတင်ရတယ် ၊ ပေါက်စီရောင်းရတယ်၊
ရှမ်း၊ မာလာ၊ လက်ဖက်ထမင်း၊ ပဲထမင်းကနေ
မုန့်ဟင်းခါး အကြော်စုံအထိ
စားသုံးသူတွေရဲ့ အိပ်ကပ်ကို ချည့်နဲ့အောင် နှဲ့ယူတယ်

လက်ဖက်ရည်ဆိုင်မှာ
Ve Ve စီးကရက်ကို ဟန်ပါပါခဲပြီး
စားပွဲထိုးကောင်းလေးရဲ့
မီးခြစ် ၀န်ဆောင်မှုကိုအရသာခံရင်း
ပုဂ္ဂိုလ်တစ်ချို့ စတိုင်ထတယ် ...

ခုံတိုင်းခုံတိုင်းမှာ
တစ်ဝက်တစ်ပျက် ဖိတ်စဉ်ကျနေတဲ့ ကွမ်းသွေးတောင်းတွေနဲ့
လက်ဖက်ရည်ဆိုင်က
ခေတ်ပန်းချီကို စုတ်ချက်ကြမ်းကြမ်းရိုက်တယ် ...

လက်ဖက်ရည်ဆိုင်မှာ
ထနှောင်းဓာတ်တွေ စီးကူးတယ်
လက်ဖက်နံ့တွေစီးကူးတယ်
မုန့်ဟင်းခါးရသာတွေ စီးကူးတယ်
သူ့စိတ် ကိုယ့်စိတ် စီးကူးကြတယ် ...

အညာလက်ဖက်ရည်ဆိုင်ဟာ
မန္တလေးပဲ၊ မြို့ပြပဲ၊ ခေတ်ပဲ
မနက်တစ်ကြိမ်မက ဓာတ်ကျမိတိုင်း ငါတို့ထိုင်တယ်
လက်ဖက်ရည်ဆိုင်ဟာ သူငယ်ချင်းပဲ
လက်ဖက်ရည်ဆိုင်ဟာ မိသားစုပဲ
လက်ဖက်ရည်ဆိုင်ဟာ အိုအေစစ်ပဲ
လက်ဖက်ရည်ဆိုင်ဟာ ဘ၀တစ်ပိုင်းပဲ
ကဲ ..
သွားကြမလား
အညာ လက်ဖက်ရည်ဆိုင်  .... ။

အောင်ဆန်းလင်း

ရန်ကုန်လက်ဖက်ရည်ဆိုင်

နျူကလီးယားဒုံးကျည်တွေ စမ်းသပ်ဖောက်ခွဲနေသလို
စိတ်ရဲ့အခိုးအငွေ့များလွင့်နေ
ဝင်လာတယ်ပြန်မထွက်တော့ဘူး သူစိမ်းတွေ
ခဏလေးထိုင်ရမယ့်ခုံကကွဲနေတော့
အမေစု လို့တောင်မအော်နိုင်ပါဘူးအမွေစုတို့ရယ်
ဆံပင်အလယ်ကွဲခပ်ခြောက်ခြောက်နဲ့
အားပူဆိုတဲ့စားပွဲထိုးလေးကိုမေးကြည့်တယ်
မင်းကြီးရင်ဘာလုပ်မလဲ

လွှတ်တော်ဥက္ကဋ္ဌလုပ်မယ်..တဲ့
ခက်လိုက်တာဖြစ်နိုင်ခြေတွေ
လူကြောနပ်ပုံတွေမှာသူတို့ဟာ
အိုင်အယ်လ်ဘီစီက ကလေးတွေထက်သာတယ်။
ကိုယ့်လူတို့ရေ
ရန်ကုန်လက်ဖက်ရည်ဆိုင်တွေဟာလည်း
တောမှော်ရုံလမ်းတွေပါပဲကွာ။ ။
(အောင်ဆန်းလင်းနှင့်သူ၏နိုင်ငံတော်သို့..)
အောင်မှူးဝေ

လှသန်း/သံမဏိရောင်လှလှလေးသမ်းနေတဲ့လှသန်း

သူနဲ့တွေ့ကြတော့ ဆောင့်ထွက်လာတဲ့မော်တော်ဆိုင်ကယ်တစ်စီးလိုပဲ
မီးခိုးတအူအူ သင်္ကေတတွေနဲ့
မန္တလေးလပြည့်ဝန်းမှာ ကျွန်တော်တို့အတူတူခေတ်ကိုစိတ်နဲ့ခြွေကြည့်မိကြ
အလုံကျေးက ဂဠုန်လေးကြည်ဇော်အေးလည်းပါရဲ့
(ဒီကောင်က၃၁ဘုံကိုကောင်းကျိုးပေးတဲ့ကောင်မဟုတ်ဘူး)
စိတ်ညစ်စရာတွေဆိုတာသူ့ခေါင်းပေါ်ကဆံပင်တွေလိုရှုပ်ပွနေတယ်။
ကိုလှသန်းရဲ့ဒီပရင်္ဂကိုဖော်ပြတဲ့အမှုနဲ့
စာပေကင်ပေတိုင်မှာကျွန်တော်ရ

ှင်းရတယ်
သူကတော့ပြုံးဖြီးဖြီးနဲ့
မလွတ်မှန်းသိလို့တမင်ပေးလိုက်တာတဲ့
(တော်တော်ဆိုးတဲ့လူလှသန်း)
ဘုန်းကြီးတွေလွယ်တဲ့လွယ်အိတ်လွယ်ချင်တယ်..တဲ့
ဝယ်ပေးရပြန်တယ်။
ငါ့ကိုဝတ္ထုကပ်ခဲ့ဦး..တဲ့ကပ်ရတယ်။
သူထွက်သွားတော့ကျွန်တော်နှုတ်မဆက်လိုက်ဘူး
သူဟာ
သံမဏိရောင်လှလှကလေးသန်းနေတဲ့လှသန်းအဖြစ်နဲ့
ကဗျာကမ္ဘာကိုပြန်လာပါလိမ့်မယ်။ ။
(ကိုလှသန်းသို့...)
အောင်မှူးဝေ