အောင်မှူးဝေ(သို့မဟုတ်) သံမဏိနှင်းဆီတောလေးထဲကလူ(အပိုင်း-၁)

-
ငယ်နာမည်အောင်ကိုလတ်။

ဘ၀တစ်ခုကိုသူများနည်းတူမိုးမလင်းသေးတဲ့ဖေဖော်ဝါရီမနက်ခင်းမှာစလိုက်တယ်။

၁၅-၂-၁၉၈၄

×××××××××××××××××××××××

ဖြစ်ချင်လိုက်ရတဲ့ကဗျာဆရာ။

ရေးချင်လိုက်ရတဲ့စကားပြေတွေ။ကျွန်တော့်ဝါသနာကကျွန်တော့်လည်ပင်းကိုဖြတ်မယ့်ဓားစက်လိုပဲလို့မခံစားတတ်သေးတဲ့အရွယ်ငယ်ငယ်။

ကျွန်တော်တို့မြို့ကလေးကသိပ်လှတာ။ချင်းတောင်တန်းကြီးကိုထီးတစ်လက်လိုဖွင့်ဆောင်းထားတဲ့မြို့ကလေး။ဘင်္ဂါလီတွေခိုးခိုးဝင်တတ်တဲ့ခြံစည်းရိုးမလုံမခြုံနဲ့မြို့ကလေး။

ကံဆိုးလိုက်တဲ့မြို့စုတ်ကလေး။ငရဲအိုးနှုတ်ခမ်းပေါ်ပြုတ်ကျလာတဲ့ပျားရည်စက်လိုနယ်စပ်ဒေသမှာအထိတ်တလန့်ချိုမြိန်နေရတဲ့မြို့ကလေး။ကလေး-ဂန့်ဂေါရထားလမ်းဖောက်တုန်းကသေလိုက်တဲ့လူတွေဆိုတာသောက်သောက်လဲပေါ့။ဒါကိုလည်းသမိုင်းစာမျက်နှာပေါ်မှာဘယ်သူမှမသိအောင်ဝှက်ထားတဲ့မြို့ကလေး။

တော်တော်နေနိုင်တဲ့မြို့အိုလေး။စီအိုင်အေအေးဂျင့်လုပ်ဖို့ကောင်းတဲ့မြို့ကလေး။တစ်ခါတစ်လေ လက်နက်မှောင်ခိုတွေ၊မူးယစ်ရာဇာတွေကိုသူကိုယ်တိုင်စုံထောက်ဖမ်းဆီးပြီးသူ့ကိုယ်သူ007ထင်နေတတ်တဲ့မြို့ကလေး။ရန်ကုန်လိုနေရာမျိုးမှာသူပိုင်အသင်းတိုက်မရှိသေးတာကိုလေဖြတ်ဝေဒနာသည်တစ်ယောက်လိုဘာမှနာကျင်ခံစားမှုရှိတဲ့မြို့ကလေး။

((ခွင့်လွှတ်ပါ၊ကျွန်တော့်မြို့ကသူဋ္ဌေးတွေဟာသေဆုံးခဲ့ပါပြီ။)ယောနယ်အသင်းတိုက်မှာတစ်ညငါးရာပေးပြီးအိပ်ရတယ်ဗျာ-လို့ပြောလာတဲ့ညီငယ်လေးတစ်ယောက်ကိုကျွန်တော်ဝမ်းနည်းစွာငေးကြည့်နေရုံမှအပတခြားဘာတတ်နိုင်ပါ့မလဲ။

ကျွန်တော်တို့မြို့မှာမြန်မာ-အိန္ဒိယချစ်ကြည်ရေးလမ်းမကြီးဖောက်တော့ကတ္တရာတွေလမ်းဘေးမှာကျိုကြတယ်။မွေးရာပါပန်းနာရင်ကြပ်ရောဂါသည်ကျွန်တော့်ညီလေးကတ္တရာညှော်မိပြီးသေပါရောလား။တခြားသောအဘိုးအဘွားတချို့လည်းသေဆုံးခဲ့ပါတယ်။ကျွန်တော်က ကလေးမြို့သားအစစ်။ကလေးဝကနေပြောင်းလာတာလည်းမဟုတ်ဘူး။ဂန့်ဂေါကနေပြောင်းလာတာလည်းမဟုတ်ဘူး။ကျွန်တော့်ကိုအောင်မင်္ဂလာရပ်ကွက်ကျုံးကြားမှာမွေးတာ။ကြီးတော့မြို့အပြင်ပဲဝိုင်းရပ်ကွက်မှာကြီးခဲ့တယ်။ကျွန်တော့်သွေးဟာကလေးမြို့သီချင်းကိုအမြဲဆိုတယ်

ကျွန်တော်တက်ခဲ့တဲ့ကျောင်းကအောင်သစ္စာရပ်ကွက်ထဲကအ.လ.က(၂)ဘ၀မှာပထမဦးဆုံးတက်ခဲ့တဲ့ကျောင်း။အဲဒီနောက်ပဲဝိုင်းကနေကျောင်းသွားရတာဝေးလို့ဆိုပြီးညောင်ပင်သာရပ်ကွက်ထဲကအ.မ.က(၁၁)ကိုပြောင်းရတယ်။အဲဒီမှာ ချင်းတွေ ဂေါ်ရခါးတွေနဲ့အတူတူကျွန်တော်စာသင်ရတယ်။ချင်းတွေကလူပါးဝတယ်ဂေါ်ရခါးတွေကအုပ်စုနဲ့ကျယ်တယ်။ကျွန်တော်ကတစ်ကိုယ်တော်လူမိုက်။ဂေါ်ရခါးမလေးတစ်ယောက်နဲ့ကျွန်တော်မုန့်စားနေတာကိုဂေါ်ရခါးတစ်ကောင်ဘာမဆိုင်ညာမဆိုင်လာရန်ရှာတယ်။

ကျွန်တော်ကဘာမို့ခံရမလဲ။ကျွန်တော့်အဖေကသိုင်းဆရာ။ဒိုးပတ်ဆရာ။ဒီငနာကောင်ကိုသိုင်းကစားပြပြီးဒိုးပတ်လိုထုထည့်လိုက်တယ်။ခဲတံချွန်တဲ့ဓားနဲ့ဒီကောင်ပေါင်ကိုစွပ်ခနဲထိုးပစ်လိုက်တယ်။ကျောင်းအုပ်ဆရာမကြီးကကျွန်တော့်ကိုဒီလောက်မိုက်ကန်းရမလားလို့ရုံးခန်းခေါ်ကြိမ်စာကျွေးတယ်ဗျ။

ပန်းနဲ့ပေါက်တာမှမဟုတ်တာနာလိုက်တဲ့ဖြစ်ချင်း။အဖေ့ကိုကျောင်းခေါ်ခဲ့ဖို့လည်းပြောတယ်။အဖေကမလိုက်ဘူး။မင်းဖြစ်မင်းခံတဲ့။အမေလိုက်လာတယ်။ကံကောင်းချင်တော့ကျောင်းအုပ်ဆရာမကြီးနဲ့အမေကအသိအကျွမ်းတွေဖြစ်နေတယ်။မအဲ..နင့်သားအရမ်းမိုက်တယ်ဆုံးမပါဦးလို့ပြောပြီးပြန်လွှတ်လိုက်တယ်။

ကျွန်တော့်ကိုလည်းနောက်ဘယ်သူနဲ့မှရန်မဖြစ်ဖို့ပြောတယ်။အမေကကျွန်တော့်ကိုသည်းခံဖို့မှာကြားတယ်။ကျွန်တော်ဘယ်သူနဲ့မှစကားမပြောတော့ဘူးအားလပ်ချိန်တွေဆိုရင်ကျောင်းထဲကကုက္ကိုပင်ကြီးအောက်သွားထိုင်ပြီးကျောင်းအရှေ့ဘက်လယ်ကွင်းပြင်ကြီးကိုငေးတယ်။လယ်ကွင်းတွေကစိမ်းစိမ်း။ဟိုး.......................လယ်ကွင်းတွေရဲ့အနားသတ်မျဉ်းမှာတောင်တန်းရေးရေး။အဲဒီတောင်တန်းကမြို့ဟောင်းတစ်ခုကိုမျိုထားသတဲ့။ကြားဖူးတယ်။

ဂေါ်ရခါးတွေကကျွန်တော်ငြိမ်နေတာကိုတမင်သက်သက်ရန်လာစကြတယ်ဗျ။ခဲနဲ့ထုကြတယ်။မအေနှမကိုင်တုပ်ကြတယ်။ငကြောက်လို့ပြိုင်တူအော်ကြတယ်။ဘောင်းဘီတိုတွေချွတ်ပြီးကော့ကော့ပြကြတယ်။သူတို့အထဲမှာယောင်္ကျားစိတ်ပေါက်နေတဲ့ဂေါ်ရခါးမလေးတစ်ယောက်လည်းပါသေးတယ်။သူကလှပါတယ်။ကျွန်တော့်မျက်နှာနားကပ်ပြီးလာကော့ပြတာတော့သူ့အမှားပေါ့။သူရဲ့အမှားလှလှလေးဟာယောက်သွားခုံးခုံးမို့မို့လေးနဲ့တူပြီးအမည်မသိအနံ့တစ်မျိုးသင်းနေပါတယ်။ညာဘက်အစင်းကြောင်းထောင့်ကလေးမှာ

မှဲ့နီနီပြူးပြူးလေးကအထင်အရှားပါရှိလေရဲ့။ကျွန်တော်ကသူ့ကိုမော့ကြည့်လိုက်တယ်။သူကယောင်္ကျားလေးလိုဆဲတယ်။-ီးကြည့်တာလားတဲ့။

ကျွန်တော်ပြုံးတယ်။

ပျော်လို့မဟုတ်ဘူး။

တခုခုလုပ်တော့မှာမို့ပြုံးတာပါ။

၊ဆက်ရန်၊