ငါတို့အမေအကြောင်းပြောပြစရာတွေကတော့အများကြီးပေါ့။
ငါတို့အဖေအကြောင်းတော့ ငါသိပ်မပြောတတ်ဘူး။အဖေနဲ့ငါနဲ့ကသိပ်မတည့်ဘူး။အမေနဲ့အဖေကငါအပါဝင်သားငါးယောက်မွေးခဲ့တယ်။
ငါကအလတ်ပေါ့။သိပ်လည်းမအေးလွန်းသိပ်လည်းမပူလွန်းတဲ့ ချင်းတောင်ခြေမြို့ကလေးမှာအမေနဲ့အဖေတို့ဟာဒီနေ့ခေတ်အချစ်ဝတ္ထုတွေထဲကလိုမဟုတ်တဲ့သာမန်ချစ်ရိုးချစ်စဉ်
သဘာဝအတိုင်းတွေ့ဆုံချစ်ကြိုက်ခဲ့ကြတယ်လို့သိရတယ်။ငါတို့ကြီးပြင်းလာကြချိန်မှာသူတို့ကအိမ်ထောင်ရေးကို
စိတ်ကုန်နေကြပြီဆိုတော့ ဘယ်လိုတွေ့ကြတယ် ဘယ်လိုချစ်ကြတယ် ဘယ်လောက်မြတ်နိုးကြတယ်ဆိုတာတစ်ဖွဲ့တစ်နွဲ့မပြောကြတော့ဘူးပေါ့။ငါတို့မြို့ကလေးရဲ့မြို့မဈေးအနီးမှာစတွေ့ကြတယ်ဆိုတာလောက်ပဲငါတို့သိရတယ်။
အဖေက ဒီနေ့အောင်မြေမာန်ခေါ်တဲ့ အောင်မင်္ဂလာရပ်ကွက်ကျုံးကြားမှာပျဉ်ထောင်အိမ်နဲ့နေတာ။အဖေ့ဘက်ကမိဘတွေဟာပရိဘောဂလုပ်ငန်းလုပ်ကြတာပေါ့။
ထင်းရှူးသေတ္တာတွေ၊စားပွဲကုလားထိုင်တွေ၊ကြောင်အိမ်တွေ၊ဗီရိုတွေစသဖြင့်ပေါ့။အမေ့မိဘတွေကတော့ပွဲစားတွေပါ။ဒီနေ့မြန်မာ့စီးပွားရေးဘဏ်နေရာဟာအမေ့အိမ်အောင်ပဒေသာပွဲရုံနေရာဖြစ်တယ်။
အမေ့အစ်ကိုငါ့ဘကြီးဦးထွန်းရွှေမလိမ္မာလို့အစိုးရဆီမှာအပေါင်ဆုံးသွားခဲ့တာပဲ။အစိုးရဆီကပိုက်ဆံချေးတာပြန်မဆပ်နိုင်လို့အိမ်ကြီးကိုထိုးအပ်လိုက်ရတာလို့ဆိုတယ်။ငါတို့အမေနဲ့ဘကြီးတို့အမွေဆိုင်တိုက်ကြီးပါ။အစိုးရကချစ်တီးလယ်သိမ်းသလိုသိမ်းခဲ့တာတော့မဟုတ်ပါဘူး။
ညှာတာထောက်ထားစွာနဲ့ ငွေပြန်အမ်းသေးတယ်ပြောပါတယ်။အဲဒီငွေကိုငါ့အမေလည်းမသုံးလိုက်ရပါဘူး။ငါတို့ဆိုပိုဝေးတာပေါ့။အမွေဟာ ဆွေမျိုးတွေရဲ့မေတ္တာတရားကိုသတ်ပစ်တတ်တယ်လို့အမေကခဏခဏပြောဖူးတယ်။
အမေကအမွေကိုမမက်ပေမယ့် မက်တဲ့လူတစ်ယောက်ကတော့ရှိနေတယ်။အဲဒီလူဟာဘယ်သူလဲဆိုတာငါတို့သိလိုက်ရချိန်မှာ.......
(ဆက်ရန်...)
No comments:
Post a Comment