ရွှေစုန်းချောင်း ကဗျာများ: အောင်ဆန်းလင်းကဗျာများ

ထာဝရမေမေ

အနောက်ဘက်ကောင်းကင်မှာ
လ စောင်းစောင်းလေးမြင်ရင်
အမေ့ရင်မောသံကို ကြားရတယ်
'သားရယ် ဆန်ဈေးတွေက တက်ပြန်ဦးမယ်'တဲ့။

ဖတဆိုးတွေရဲ့ဘဝ
ဘယ်လောက်ပဲ မလှပပေမယ့်
ကျွန်တော်တို့ရဲ့ အိပ်မက်တွေ
ဈေးတောင်းရွက် အမေဖြည့်ဆည်း
'ငါ့သားတွေကြီးလာမှ ..... တဲ့'။
အဲသလိုအပြောလေးနဲ့ မမောတတ်တဲ့အမေ။

တစ်ခါ တစ်ခါ
စရိုက်အိုအချဉ်ကြိုက်တွေက
မိသားစုအသိုက်မြုံကို အခါခါဆွဲဆိတ်
ထိတ်ထိတ်ပြာပြာနဲ့ တွန်းကာရှာတဲ့အမေ
'သားရယ် နင့်အဖေရှိတုန်းကဆိုရင်လေ ...'တဲ့
ပြီးတော့ ဆက်တိုက် ဆက်တိုက်
အားရအောင်ငိုရှိုက်တတ်တဲ့အမေ။

အငိုအရှိုက်မကင်းပေမယ့်
စိတ်ရင်းတော့ တကယ်မာတဲ့အမေ
ဝမ်းနည်းမှု မျက်ရည်တွေကိုသိမ်း
မိသားစုဘဝကို တည့်မတ်အောင်ထိန်းလို့
နောက်တစ်မိုးအောက်ကို ယောင်လို့မှမယိမ်းခဲ့တဲ့အမေ .... ။

ခရီးကြမ်းတွေအထပ်ထပ် ရပ်တန့်လို့မရခဲ့တဲ့အမေ
ရှေ့ဆက်ချီတက်နေပေမယ့် ခြေတစ်ဖက်ပဲသန်တော့တဲ့ အမေ
လက်ကလေးတွေ ကွေးကွေးသွားတတ်တဲ့အမေ
ဆံဖြူအိုစ ပါးလျလျနဲ့ ခေါင်းဖြီးလို့မှ မလှပတော့တဲ့အမေ
ထွေရာလေးပါး မှတ်သားမှုဥာဏ် မထက်သန်တော့တဲ့အမေ
ဒဏ်ရာဒဏ်ချက်တွေ အထပ်ထပ်နဲ့
၆ဝ ကျော်သက်တမ်းကို ရဲရဲကြီးဖြတ်သန်းနေတဲ့အမေ ။

လောကရဲ့အမုန်းကို အရှုံးမပေးခဲ့တဲ့အမေ
တစ်ခါတစ်ခါ ပြုံးလိုက်တဲ့အမေ့အလှ
အဓိပ္ပါယ်တွေ ပိုပိုပြည့်ဝလာသလိုပဲ
တုတ်ကောက်လေး တစမ်းစမ်းနဲ့ သားပြန်လမ်းကို မှန်းမျှော်နေတတ်တဲ့အမေ
ခုထိ တသသနဲ့ မြေးထိန်းကြီး ဘဝမှာ အသားကျနေတတ်တဲ့အမေ ။

အမေပေါင်းများစွာထဲကအမေ
ကျွန်တော့်ရဲ့အမေ ခင်ဗျားတို့အမေ
ကျွန်တော်တို့အားလုံးရဲ့ မြင့်မြတ်သော ထာဝရ 'အမေ'။
ကောင်းလူ(မြန်မာစာ)

------------------------------

------------------------------------------------

ခေါင်မိုးအခြင်ဝါးတွေကြားမှာ ထည့်ထားတဲ့ ပတ်စ်ဝါ့ထ်

ပတ်စ်ဝါ့ထ်ရှစ်လုံးစီနဲ့ အကောင့်လေးခုပိုင်တယ်
မင်မိုရီစတစ်တစ်ခုနဲ့ ကိုယ်ရချင်တာတွေ သိမ်းထားတတ်တယ်။
ဟိုဘက်ကမိတ်ဆွေတွေကို စကားလုံးတွေနဲ့စကားပြောတယ်။
စကားလုံးတွေနဲ့ ရီတယ်။ စကားလုံးတွေနဲ့ နှီးနွယ်တယ်။
ဒေါ့ကွန်း၊ ဒေါ့အော့နဲ့ ဒေါ့နက်
လူငယ်တစ်ယောက်ရဲ့ အိပ်မက်တွေ အများကြီးပိုင်တယ်။
ဘလော့တစ်ခုပိုင်ချင်တယ်၊ အက်နီမေးရှင်းတွေ ဖန်တီးချင်တယ်
ဆော့ဝဲရေးချင်တယ်၊ ဟက်ချင်တယ်၊ ဘန်းချင်တယ်၊ ကျော်ချင်တယ်၊ ခွချင်တယ်
တကောက်ကောက်လိုက်နေဆဲ
မိုးလင်းကနေ မိုးချုပ်ထိ ။

အံဝှက်ပေါင်းများစွာပါတဲ့ အိမ်မိုးတစ်ခုကိုအမေပိုင်တယ်
အချင်ဝါးရဲ့အကွက်တွေကြားမှာ သိမ်းထားတာတွေကို
နေ့နေ့ညည အမေ သတိရတယ်။
မိဆိုင် ဖဆိုင်နတ်နဲ့ ပထဝီ၊ ဝါယော၊ အာပေါ၊ တေဇော
အမေ မောနေအောင်ပြောတတ်တယ်။
သိကြားမင်း ဘယ်လိုဆင်းမလဲနဲ့ နဂါးခေါင်းဘယ်ကိုလှည့်ကအစ
ထွက်ခါစလကလေး ဒယ်ဗိုင်းတည်ထားသလိုတည့်မတည့်အဆုံး
အကုန်လုံးကို အမေတွက်တတ်တယ်။
ငါ့သားက နိုင်းနိုင်းနဲ့တူတယ်လို့ပြောပြောပြီး
မြန်မာဗွီဒီယိုကားတွေကို မှန်မှန်ကြည့်တယ်။

တစ်ခါ တစ်ခါ စိတ်လိုလက်ရ အမေမေးတယ်
'သား မင်းသင်နေတဲ့ ဟို ဘာတဲ့ အဲဒါ အမေ့ကို နည်းနည်းပြောပြပါလား
ဟိုလေ ... လှစိန်တို့မေးရင် အမေပြောပြရတာပေါ့' တဲ့ ။

အခုထိ ကျွန်တော့်အကြောင်းတွေ အမေနားလည်အောင် ပြောမပြတတ်သေးဘူး
အခုထိ အမေ့အိမ်ခေါင်းမိုးမှာ သန့်ရှင်းရေး လုပ်မပေးရက်သေးဘူး ။

သည်ကနေ့ ဂူးဂဲမှာအကောင့်တစ်ခုထပ်ဖွင့်ဖြစ်တယ်
'သောင်းရီ'တဲ့
စိတ်လိုလက်ရရှိတဲ့အခါ အမေသုံးနိုင်စေဖို့
အိမ်အမိုးကြားမှာ ပတ်စ်ဝါ့ထ်ထည့်ပေးထားပါတယ် မေမေ ။
တဇောင်းနီ
-------------------------------------------------------------------------------------------------------------------

ငတီး

ငတီး ...
လက်တိုဖွာကျဲနေတဲ့ အနွေးထည်ကိုဝတ်လို့
မနက်မနက်ဆို မင်း ရောက်ရောက်လာတယ်
အစကတော့ ငါက ငေါက်ငေါက်ထုတ်
ခုတော့လည်း ကျောက်ရုပ်လို မင့်ကိုကြည့်နေခဲ့မိ
ငါ့စိတ်ထဲ ဘယ်အချိန် မင်းဝင်သွားသလဲ
ငါ့ကိုယ်ငါ ထပ်မတွေးချင်တော့ဘူး
ခု မင်းလာရင် ပေးဖို့
ငါ့ကလေးတွေ အမှတ်မထင်စွန့်ပစ်ထားကြတဲ့
ဖော့ဖိနပ်တစ်ရံနဲ့ မန်ချက်စတာယူနိုက်တက် အင်္ကျီတစ်ထည်
ငတီးရေ လာလှည့် ယူလှည့် .... ။

ဒီည ဒီရပ်ကွက်က အမှိုက်အထွက်နည်းတယ်
မင့်အမေအတွက် ဈေးဖိုးလား
မင့်အတွက်မုန့်ဖိုးလား
ငါမစဉ်းစားတတ်ဘူး
တစ်ရက်တစ်ရက်
ရပ်ကွက်အမှိုက်ကျင်းလေး ပြည့်နေပါစေကြောင်း
ငတီးရေ မင့်အတွက် ငါဆုတောင်းပေးနေခဲ့ပေါ့ ။

မနက် ၈-နာရီဆို
ငါ့အိမ်ရှေ့လမ်းမှာ စံပယ်ပန်းတွေအပြည့်
မွှေးသည်ထက်မွှေးပြီး မြင့်သည်ထက် မြင့်ဖို့
အနာဂတ်ဆီ ရွက်လွှင့်သွားကြ
သိပ်လှတာပဲ ငတီး ... ။

ခု ကိုးနာရီထိုးနေပြီ
ဘယ်လျှောက်သွားနေလဲ ငတီး ...
ဒီခရီး ဒီလမ်း စံပယ်တွေရဲ့ စခန်းမှာ
မင်း အလွမ်းမသင့်နိုင်ဘူးလား
တစ်ရက် တစ်ရက်
မနက်ရှစ်နာရီထိုးရင်
ငါ့အိမ်ရှေ့ စံပယ်လမ်းမပေါ်
မင်းလှမ်းလာလိမ့်နိုးနိုးနဲ့
ငတီးရေ .... ငါ မျှော်ကိုးလို့မဆုံး .... ။

ကောင်းလူ(မြန်မာစာ)

ငတီးပုံ