သဘောနဲ့ … ဦးတင်ဦး၊ ဒေါ်အောင်ဆန်းစုကြည်နဲ့  ဦးဝင်းတင် ၃ဦးတည်းကိုသာ အထူးကွက် ကန်တော့ခြင်းကလဲ… လှေကြီးပေါ် လှေငယ်တင်သလို ဖြစ်စေခဲ့ပါတယ်။
သည်ဖြစ်ရပ်က… ဒီမိုကရေစီအဖွဲ့ချုပ်ရဲ့ ကိုယ်ထဲမှာ နှစ်ပေါင်းအတန်ကြာ လျှို့ဝှက်စွာ အမြစ်တွယ်နေခဲ့တဲ့ ဂိုဏ်းဂဏရောဂါဆိုးကြီး…ပထမဆုံးအကြိမ် လူသိရှင်ကြား ပွင့်ထွက်ပေါက်ကွဲလာခြင်းဖြစ်ပါတတယ်။ စောစောပိုင်းကတော့ သည်ခေါင်းဆောင်၃ဦး နှစ်ရှည်လများ ထောင်သွင်းအကျဉ်းချခံနေရတဲ့အတွက် ရောဂါက ‘မြုံ’ နေတာဖြစ်ပါလိမ့်မယ်။ အခုတော့ သမိုင်းပေးတာဝန်အရ အားသွန်ခွန်စိုက် လှုပ်ရှားဆောင်ရွက်ကြရတော့မှာဖြစ်တဲ့အတွက် ‘မြုံ’ နေရာက ‘ရင်းထ’လာတာပဲ… အမြန်ဆုံး ခွဲစိပ်ကုသပစ်လိုက်ဖို့လိုပြီ…ဆိုတဲ့သဘောပါပဲ။
ကောင်းပါပြီ။ ဂိုဏ်းဂဏရောဂါဆိုးကြီး ဆိုတာက ဘာကို ဆိုလိုပါသလဲ။ စစ်သားနဲ့ အရပ်သားဂိုဏ်းဂဏလား။ ထောင်ထွက်နဲ့တပ်ထွက် ဂိုဏ်းဂဏလား။ လူကြီးနဲ့လူငယ် မျိုးဆက်ကွာဟချက် ဂိုဏ်းဂဏလား။ လက်တွေ့လှုပ်ရှားနေတဲ့ active တွေနဲ့ အိုမင်းမစွမ်း disabled တွေရဲ့ ဂိုဏ်းဂဏလား။ န၀တ၊ နအဖ၊ စစ်အစိုးရတွေရဲ့အရေးယူခံရသူတွေနဲ့ အရေးမယူခံရသူတွေရဲ့ ဂိုဏ်းဂဏလား။ စဉ်းစားကြည့်ကြပါကုန်လော့။ ပြည်သူလူထုက ကျုပ်ထက်ပိုသိနေကြပြီး ဖြစ်တဲ့အတွက် ကျုပ် ဖွင့်မပြောတော့ပါဘူး။
သိတယ်နော်…။ သမတဦးသိန်းစိန်အစိုးရက ရည်ရွယ်ချက်တွေနဲ့လွှတ်တော်တွင်းမှာ တည်ဆဲဥပဒေတချို့ကို ပြင်ဆင်ပြဌာန်းပေးနေပါပြီ။ ဥပမာ…ပါတီမှတ်ပုံတင် ဥပဒေပြင်ဆင်ချက်တို့၊ ရွေးကောက်ပွဲ ပါဝင်ယှဉ်ပြိုင်ခွင့် ဥပဒေ ပြင်ဆင်ချက်တို့… စသည်ပေါ့။ ပြီး ဒေါ်ဆောင်ဆန်းစုကြည်ကို ရာထူးပေး ဖိတ်ခေါ်ကြိုဆိုနေမှု။ ဒေါ်အောင်ဆန်းစုကြည် အပါအ၀င် ကြားဖြတ်ရွေးကောက်ပွဲ ၀င်ရောက်ယှဉ်ပြိုင်လိုက ယှဉ်ပြိုင်နိုင်ခွင့်။ သည်အခြေအနေတွေနဲ့ သည်ပြုပြင်နေမှုတွေကို ထောက်ချင့်ကြည့်ရခြင်းအားဖြင့်… ဒီမိုကရေစီအဖွဲ့ချုပ်အနေနဲ့ ‘နတ်’ ကလဲ လို၊ ‘ဂြိုဟ်’ကလဲ မ… ဆိုတဲ့ကိန်း ဆိုက်ရောက်နေပါတယ်။
အမှန်ကလဲ ပြည်လုံးကျွတ်ညီလာခံကြီးက တညီတညွတ်တည်း ရွေးချယ်တင်မြှောက်လိုက်တဲ့ ဗဟိုကော်မတီသစ်တွေ ဗဟိုအလုပ်အမှုဆောင်ကော်မတီသစ်တွေရဲ့ ဆုံးဖြတ်ချက်တွေနဲ့ ဆောင်ရွက်ခြင်းကသာလျှင် ဒီမိုကရေစီနည်းလမ်းကျတယ်လို့ သတ်မှတ်နိုင်မှာ ဖြစ်ပါတယ်။ နိုင်ငံအစိုးရနဲ့ လက်တွဲဆောင်ရွက်စရာတွေ ရှိရင်လဲ…သည်နည်းသည်လမ်းအတိုင်းသာ ဆုံးဖြတ်ဆောင်ရွက်ရမှာ ဖြစ်ပါတယ်။ အာဏာကို လူ တဦးတယောက်တည်းရဲ့ လက်ထဲ (သို့ မဟုတ်) လူတစုရဲ့ လက်ထဲ ယုံကြည်စိတ်ချစွာ အပ်နှင်းခဲ့မိကြတဲ့အတွက်… ကျုပ်တို့ နိုင်ငံနဲ့ ပြည်သူ ဒုက္ခရောက်ခဲ့ကြရတဲ့ သင်ခန်းစာတွေလဲ ရခဲ့ကြလှပါပြီ။
သိတယ်နော်…။ တပ်ရဲ့ ဘက် အစိုးရရဲ့ ဘက်ကတော့ အစခပ်သိမ်း သူတို့ စိတ်တိုင်းကျ ပြင်ဆင်ထားပြီး နေပါပြီ။ ပထမ အဂ်လိပ်မြန်မာစစ်ပွဲကို သင်ခန်းစာယူပြီး၊ နောက်တန်းဆုတ် တည်ထားတဲ့ နိုင်ငံအစိုးရရုံးစိုက်ရာ နေပြည်တော်တဲ့။ အမျိုးသားလွှတ်တော်တဲ့။ ပြည်သူ့လွှတ်တော်တဲ့။ သမတဦးသိန်းစိန်အစိုးရတဲ့။ အရေးပေါ်ကာကွယ်ရေးရံပုံငွေတဲ့။ (သတိရလို့ ပြောရအုံးမယ်။) ၈၈ခုနှစ် ဒီမိုကရေစီ အရေးအခင်းကာလတုန်းက ပြောပါတယ်။ ကျုပ်တို့ပြည်သူလူထုက အသေခံ တိုက်ပွဲဝင်နေကြခိုက်မှာ… စစ်တပ်က ဓနိတော ရေနံလှောင်ကန်တွေထဲက ဓါတ်ဆီတွေကို… ဗိုလ်ချုပ်ဟောင်းတယောက်ရဲ့ လက်မှတ်နဲ့ နေ့ ညမပြတ် ထုတ်ယူဖြည့်တင်း နေကြတာတွေ…၊ တောင်ညွန့်က ဆန်ဂိုဒေါင်တွေကို ဖေါက်ပြီး သူတို့ တပ်ရင်းတပ်ဖွဲ့တပ်ခွဲတပ်စိပ်ရှိရာ နေရာတိုင်းကို ရိက္ခာအပြည့် သယ်ပို့ သိုလှောင် နေကြတာတွေ… ပြည်ထောင်စု ဘဏ်ကြီးကိုဖေါက်ပြီး ငွေတွေအကုန်ထုတ် စစ်သားတိုင်းကို လစာ ၆လစာ ငွေတွေ ကြိုတင်ထုတ်ပေးနေကြတာတွေ… ဆိုတာ ကျုပ်တို့အားလုံးအသိပဲ မဟုတ်လား။ သူတို့ ဘက်က အစခပ်သိမ်း အသင့်ပြင်ဆင်ထားခဲ့တာ ပြောပါတယ်။ အခုလဲ သည်အတိုင်းပါပဲ။ ဦးသိန်းစိန်အစိုးရ သို့ မဟုတ် တပ်မတော်ရဲ့ ဘက်က အဆင်သင့်ဖြစ်လို့နေပါပြီ။
အဲ…ကျုပ်တို့ ဒီမိုကရေစီရေးအင်အားစုတွေရဲ့ ဘက်မှာတော့… ဘာမှစနစ်တကျ မပြင်ဆင်ရသေးပါဘူး။ ဒီမိုကရေစီရေးဘက်က ပထမတန်း၊ ဒုတိယတန်း၊ တတိယတန်း ခေါင်းဆောင်ငယ်တွေလဲ… အများစုကြီးက အကျဉ်းထောင်တွေထဲမှာပဲ ရှိနေကြပါသေးတယ်။ လွတ်မလာကြသေးပါဘူး။ အရေးထဲမှာ ဒီမိုကရေစီအဖွဲ့ချုပ် ကိုယ်တိုင်ကလဲ ဒီမိုကရေစီနည်းစနစ်တကျ ပြည်လုံးကျွတ်ညီလာခံကြီးခေါ်ဆိုကျင်းပပြီး ပြန်လည်မဖွဲ့စည်းရသေးပါဘူး။
မောင်သာရ
No comments:
Post a Comment