စိတ်အညစ်ဆုံးကာလတွေငါ့ဘ၀မှာရှိခဲ့ဖူးတယ်။ရန်ကုန်ရောက်ကာစနှစ်တွေပေါ့။ငါအတော်ရုန်းကန်ခဲ့ရတယ်။ပိုက်ဆံလည်းတစ်ပြားမှမရှိဘူး။လယ်တီကမ္မဋ္ဌာနာစရိယသင်တန်းလာတက်တာပါ။ရန်ကုန်မှာအတည်နေမယ်စိတ်မကူးခဲ့ဘူး။လွ
လွယ်အိတ်စုတ်ကလေးတစ်လုံးပဲငါ့မှာပါလာခဲ့တယ်။ပိုက်ဆံလေးကလည်းရဟန်းအမလှူလိုက်တာသုံးသောင်းထဲ။အပြန်စရိတ်မရှိတော့ရှေ့ဆက်တိုးရတော့တာပေါ့။
တောင်ဒဂုံဇေယျသိဒ္ဓိကျောင်းမှာနေတဲ့နောင်တော်ကြီးဦးစန္ဒိမာကနေစရာလေးရအောင်လုပ်ပေးတယ်။အဆင်ပြေပါတယ်။သိမ်အောက်ထပ်မှာအခန်းတစ်ခန်းရတယ် ငါပျော်နေတာပေါ့။နေရတာလည်းလွတ်လပ်ပါတယ်။ကဗျာတွေရေး၊မြို့ထဲပို့။စာအုပ်ဝယ်လာ။မြို့ထဲတစ်ခေါက်ထွက်တိုင်းငါဖြစ်တဲ့နည်းနဲ့ဖတ်စရာစာအုပ်တစ်အုပ်တော့ဝယ်ဖြစ်အောင်ဝယ်ခဲ့တယ်။ငါ့ဘ၀အေးချမ်းပြီထင်နေတုန်းဇေယျသိဒ္ဓိကျောင်းကနေစွန့်ခွာဖို့အရေးတွေဖန်လာတယ်။ဘယ်လိုဖန်လာသလဲ..နောက်မှဆက်ပြောမယ်။
No comments:
Post a Comment